Aun hambuuk batah,
maglunsur dih mag tunah,
man langan sin amah,
dumapit pa in inah.
Aun hambuuk adlaw,
pa bai nakatibaw,
in ina naka hundaw,
otoh na'ono nakaw,
wai ra kau hinglaw,
Laila ina ku,
hinglau wai aku,
sa nasusa to'od aku,
aun baba'e kiabayaan ku,
bang dih ma'asawa ku,
magpatiwala aku,
In ina namissara,
utoh aikau masusa,
mataod alta ta,
mag pangasawa kita.
Pag abut sin jumaat,
gimaban na namungat,
dimara panggausan,
iban san susukatan,
complete kajinisan,
hambuuk sasakatan,
hipuh sin kapanyapan,
iban budjang lingkatan,
nag lulutuh kiakamputan.
Miagad pa in apoh,
wairoon misan badju,
nad dara tabunggu,
Siu katan sin ayah,
100 itlug maya,
hangpo'on in kapaya,
iban hambuuk sattua,
ha taas nag jajaga,
sukal iban kahawa,
iban pag siga-siga,
in sumbaih on usa,
iban hambuuk gadja.
Siukata kaw-kaw,
5 karut tambakaw,
4 kutak matsakaw,
1000 in siupaw,
Sukat piagbilangan,
mag tya'on da kuman,
complete in panayaman,
biotang ha halaman,
yaon in kulintangan,
iban pag gagandangan,
In dampal pa subangan,
ampa decorationan,
sin ka ambung-ambungan,
sin ka gantang-gantangan,
di muna kahiritan,
in langkap ginisan,
In dampal pa satan,
bitayan kugditan,
iban manga sabitan,
lawang di ka so'ukan,
in security saitan,
bang kau dih ka ingatan,
mag tui kau kompitan.
